ზოდიაქოს 5 ნიშანი, რომლებზეც 13 ნოემბრის ახალი მთვარე განსაკუთრებულად იმოქმედებს და ცვლილებებზე დააფიქრებს

მორიელი

ახალი მთვარის პერიოდში თქვენს ნიშანში არა მხოლოდ მზე, არამედ მთვარე და მარსი იქნება. ამიტომაც, ენერგიის ძლიერ მოზღვავებას იგრძნობთ. მნიშვნელოვანია, რომ ეს ენერგია დასახული მიზნებისა თუ გეგმების განხორციელებისაკენ მიმართოთ. წინააღმდეგ შემთხვევაში, მომატებული შფოთვა და გაღიზიანება შეგაწუხებთ და შესაძლოა, კონფლიქტური სიტუაცია შექმნათ.

ნუ შეგეშინდებათ მომატებული ემოციურობის, ახლა ეს პერიოდი ბევრ საკითხზე დაგაფიქრებთ. პირველ რიგში კი, წარსულში დატოვებულ ადამიანებს, ურთიერთობებს კიდევ ერთხელ გადახედავთ და საბოლოოდ მიხვდებით, ვისთან ღირს კავშირის აღდგენა და ვის უნდა დაემშვიდობოთ სამუდამოდ. ეს ეხება ურთიერთობებსაც, საქმესაც - თქვენთვის სიცხადის პერიოდი იწყება და მოგიწევთ, საბოლოოდ დაფიქრდეთ იმაზე, რასაც დიდი ხანია, გაურბიხართ. 13 ნოემბერს ჩამოწერეთ თქვენი ახალი გეგმებისა და მიზნების შესახებ და დაფიქრდით, რისი გაკეთება შეგიძლიათ. შემდეგ კი გეგმას ნაბიჯ-ნაბიჯ მიჰყევით.

ლომი

ახალი მთვარე ოჯახურ საკითხებსა და პირად ურთიერთობებზე დაგაფიქრებთ. შესაძლოა, აღმოაჩინოთ ფაქტები, რომლებიც სამომავლოდ გამოგადგებათ. დაფიქრდით, კომფორტულად ხართ იმ ადამიანებთან, რომლებთანაც ურთიერთობა გაქვთ? შესაძლოა, საკუთარ სურვილებს მუდმივად თრგუნავთ იმის გამო, რომ სხვებს ასიამოვნოთ, თავი კარგად აგრძნობინოთ. იქნებ, განახლების დრო დადგა? ახლა მოგიწევთ, თქვენს ღირებულებებს გადახედოთ.

შესაძლოა, მეგობარს, ახლობელს, კოლეგას, პარტნიორს სამუდამოდ დაემშვიდობოთ, რადგანაც აღმოაჩინოთ, რომ ისინი თქვენი კეთილგანწყობით ბოროტად სარგებლობენ და ზურგს უკან ცუდად ლაპარაკობენ. 13 ნოემბერს მომატებულ ენერგიასა და შფოთვას იგრძნობთ. ამიტომ, ასტროლოგების მთავარი რჩევაა, რომ შემოქმედებითი აქტივობებით დაკავდეთ და საყვარელი საქმე გააკეთოთ.

ვერძი

დადგა დრო, თქვენს შინაგან შიშებსა და ეჭვებს კარგად ჩაუღრმავდეთ და აღმოაჩინოთ, რა გიშლით ხელს ბედნიერებაში. 13 ნოემბრის ახალი მთვარე თქვენთვის საკუთარი თავის უკეთ შეცნობის პერიოდი იქნება. შესაძლოა, სრულიად მოულოდნელად მიხვდეთ, რომ ის, რასაც აკეთებთ, არა საჭიროა და სხვა მიმართულებით შეგიძლიათ, განვითარდეთ.

13 ნოემბერს მომატებულ ემოციურობას იგრძნობთ. შესაძლოა, დეპრესიამ, უიმედობის განცდამ შემოგიტიოთ და იფიქროთ, რომ ყველაფერი არც ისე კარგადაა, მაგრამ ნუ ინერვიულებთ. ემოციური პერიოდი მალე გაივლის. სამაგიეროდ, უფრო გაცნობიერებულად განაგრძობთ ცხოვრებას და გექნებათ კონკრეტული გეგმა, რომელიც წარმატებამდე მიგიყვანთ.

თევზები

თქვენთვის 13 ნოემბრის ახალი მთვარე ახალი იდეების ძიებასთან იქნება დაკავშირებული. შესაძლოა, მიხვდეთ, რომ განსხვავებული მიმართულებით მუშაობა გჭირდებათ და ის საქმე, რომელსაც ახლა აკეთებთ, სულაც არაა ხელსაყრელი.

ამიტომ, შესანიშნავი პერიოდია, რომ რეალურ ინტერესებზე დაფიქრდეთ. გადახედოთ თქვენს უნარებს, გაარკვიოთ, კიდევ რისი შესწავლა მოგიწევთ, რომ სასურველ საქმემდე მიხვიდეთ და შემდეგ ნაბიჯ-ნაბიჯ მიჰყევით იდეებს.

კურო

ასტროლოგების თქმით, 13 ნოემბრის ახალი მთვარე ოჯახურ ურთიერთობებზე დაგაფიქრებთ. შესაძლოა, რაღაც ძალიან მნიშვნელოვანი მოხდეს, რაც ოჯახის წევრებს, შვილებს განსხვავებული კუთხით გაგაცნობთ და აღმოგაჩენინებთ.

გარდა ამისა, ვენერა, თქვენი მმართველი პლანეტა, ჯანმრთელობის სახლში გაივლის. შესაძლოა, ბოლო დროს საკუთარ თავს განსაკუთრებულად ტვირთავთ და დიდ ზეწოლას ახდენთ. ახლა მოგიწევთ, გადახედოთ საქმეებს და პრიორიტეტები სწორად განსაზღვროთ, დრო დასვენებას დაუთმოთ და განიტვირთოთ.

წყარო: www.beaumonde.ge